Actualmente, cando resulta tan difícil para a mocidade acceder ao mercado laboral pola pouca oferta existente, calquera ferramenta que axude a facilitar isto será benvida.

Nesta liña, desde o pasado mes de novembro, o Concello de Carballo ofrece a toda a poboación activa unha Bolsa de Traballo pensada para axudar ás persoas en situación de desemprego que desexen regresar ao mundo laboral, aos que busquen o seu primeiro emprego ou a quen desexen mellorar a súa situación laboral actual. O obxectivo desta Bolsa é realizar unha función de mediación, constituíndo unha ferramenta de conexión entre as demandas e as ofertas de emprego. Poden ser beneficiarios dos servizos desta Bolsa de Traballo tanto a poboación activa como os ofertantes de emprego: autónomos, empresas, entidades ou institucións que inicien procesos de selección de persoal.

A inscrición dos demandantes, así como a xestión das ofertas, lévanse no Fórum Carballo, na Praza dos Bombeiros Voluntarios, s/n, en horario de atención ao público de luns a venres de 8.30 a 14.30 horas. Tamén se pode contactar por teléfono chamando ao 981 709 010 ou por e-mail no enderezo bdt@carballo.org. Máis información en www.carballo.org.

O ciclo, que leva por título ‘Proxectando… na trastenda do rock’n'roll’, complétase coa proxección o xoves 20 ás 21.00 h no Pazo da Cultura de ‘A Skin Too Few: The Days Of Nick Drake’, un emocionante e fermoso documental sobre a descoñecida vida de Nick Drake, do director Jeroen Berkvens.

Carballo acolle o terceiro encontro do proxecto europeo “Práctica deportiva e inclusión social” entre o 26 e o 29 de Agosto. Este encontro, organizado polas Escolas Balonmán Xiria, será o terceiro dos cinco nos que se divide este proxecto.

Trátase de poñer en común as boas prácticas deportivas que funcionan de xeito particular en cada país, e que están relacionadas coa procura do xogo limpo, da igualdade de oportunidades e de xénero e da interacción entre diferentes xeracións, insistindo sempre na importancia da participación e en evitar o risco para a saúde.

Os obxectivos céntranse en mellorar os servizos das entidades participantes, potenciando a comunicación coas entidades locais, distribuír os principios do Libro Branco sobre o Deporte nos contextos das entidades a partir dos aspectos sociais da práctica deportiva e os conceptos de democracia e cidadanía, proporcionar novas oportunidades para as persoas con menos posibilidades e involucrar ao maior número de profesionais arredor desta temática.

O encontro de Carballo leva como título: “O deporte como elemento educativo e dinamizador socio-cultural” e nel preténdense dar unha visión do deporte desde diferentes puntos de vista profundizando no funcionamento das entidades deportivas. Desde o domingo 26 pola mañá os participantes deste encontro comezaron xa co intercambio de experiencias. Ademais do organizador Escolas Balonmán Xiria e das demais entidades participantes no proxecto (France Amérique Latine de Paris, Centro Rexional Xuvenil de Kosice, Filoxenia de Corinto e A. C. Enzimistudio de Turín), tomarán parte diferentes asociacións da zona como ASPABER, a Asociación Xuvenil Proxectando, Vieiro, contando coa colaboración do departamento de deportes da Universidade da Coruña e do Concello de Carballo. As actividades que realizarán incluirán diferentes workshop (obradoiros) con temática variada como a inclusión de grupos en risco de exclusión social a través do deporte, a reciclaxe formativa dos monitores, a comunicación das entidades e as vías de financiamento. Visitarán tamén as Escolas de Verán que organiza Escolas Balonmán Xiria e coñecerán o patrimonio e a cultura locais.

Presentación de Proxectando. Durante a última xornada Proxectando deu a coñecer aos participantes a súa orixe e cales son as actividades que desenvolve.

Para coñecer máis visita o blog do proxecto en http://sportpractices.wordpress.com.

Como sabedes este ano a Asociación Xuvenil Proxectando foi a organizadora da Festa do Bosque. Esperamos que as persoas que acudichedes a esta ineludible cita que pecha o San Xoán carballés vos sentirades agusto e desfrutasedes coa festa e as actividades organizadas. Agradecer tamén a toda a xente que dun ou doutro xeito nos botou unha man e fixo posible que todo saise ben.

Para quen queira lembrar ese día novamente, deixámosvos aquí unhas fotos dalgúns dos mellores momentos da festa: http://www.facebook.com/#!/photo.php?fbid=10151879806080004&set=at.10151879759960004.861011.608555003.100003249965567&type=1&theater

http://www.lavozdegalicia.es/noticia/carballo/2012/07/20/as-asociacions-locais-defenden-uso-do-galego-os-mozos/0003_201207C20C2991.htm

Continúa o ciclo ‘Proxectando… para mentes inquedas’. As dúas vindeiras proxeccións son o sábado 28 de abril e o venres 11 de maio. Proxectaremos ‘The Devil and Daniel Johnston’ e ‘Joe Strummer: The future is unwritten”, respectivamente. Desta volta a cita será na Pensión Rama. Agardámosvos a tod@s!

O próximo día 20 de febreiro a Asociación Xuvenil Proxectando organiza unha cea-guateque co fin de recaudar diñeiro para as súas actividades anuais. Será na Pensión Rama e estades todos convidados.

O interesados en apuntarse deben facelo antes do día 18 nos teléfonos 609019825, no 669388879 ou ben en https://www.facebook.com/proxectando.asoc.xuvenil

A segunda sesión de ‘Proxectando… para mentes inquedas’ volveu a encher o salón de actos do Pazo da Cultura, onde os asistentes poideron ver o documental sobre o conflicto que tivo lugar na marisma de Baldaio nos anos 70, ‘Area nos ollos’, así como ‘As Encrobas. A ceao aberto’ a peza de Xosé Bocixa que conta o toda a problematica que houbo na mesma época nesta localidade de Cerdeda pola contrucción da planta térmica.

Además, ao final da sesión, Bocixa comentoulle aos asistentes diversos detalles da gravación do seu documental, así como os motivos que o levaron a facer ‘As Encrobas. A ceo aberto’.

O próximo día 4 de xaneiro continúa o ciclo ‘Proxectando… para mentes inquedas’. Esta vez a sesión estará formada por ‘Area nos ollos’, documental sobre o conflicto da marisma de Baldaio, e ‘As Encrobas. A ceo aberto’, que trata sobre a disputa que houbo en Cerceda tras a expropiación dos terreos para a construcción da central térmica.

Ao remate, o director desta última obra, Xosé Bocixa Rei, participará nun faladoiro. A proxección será novamente de balde e no Pazo da Cultura, e conta coa colaboración de La Caixa e o Concello de Carballo.